Kristinn Óli betur þekktur sem Króli kom til okkar í spjall sem að vakti okkur báðar til umhugsunar. Hrátt spjall í bókstaflegri merkingu þar sem að Króli opnar sig og talar um erfiða hluti sem að hann hefur þurft að vinna með. Hvernig það var að vera ungur og þekktur á örskotstundu, hvað það er að vera maður sjálfur, hvernig dílaru við kvíðann og hvað er næst?

 

 

Skemmtikrafturinn & snapchat stjarnan Hjálmar kom til okkar í spjall á dögunum. Um leið og hann mætir í stúdíó-ið finnur maður hversu töfrandi karakter hann er. Hann smitar svo frá sér jákvæðni og húmor, það er engin furða að hann sé einn vinsælasti skemmtikraftur landsins. Dagarnir og samfélagið væri betra ef að allir væru eins og Hjálmar, þess vegna er mikið hægt að læra af hans jákvæða hugafari og hvernig honum tekst að snúa mörgu uppí glens og grín!

Þessi þáttur er í boði Pure Deli! Fylgstu með þeim á instagram @puredeli_iceland

Afhverju getur verið svona fáránlega erfitt að venja sig á að borða hollt? Maður ákveður að vera duglegur í ræktinni, tekur góða viku eða tvær og svo rennur það útí sandinn. Stundum. Við Eva og Sylvia erum með þessa fínu þráhyggju fyrir að vita hvernig við komumst upp úr þessari gryfju og komumst að því að ekki er allt sem sýnist þegar það kemur að góðri heilsu og jafnvægi. Í þessum þætti eru mikið af hagnýtum lykilatriðum sem að við getum nýtt okkur til þess að búa til heilsteypt og eflandi vanamynstur… SKOÐUM ÞETTA!

 

Einlægni er eitthvað sem að einkennir þennan íslandsmeistara og afreksdreng. Arnar fær erfitt verkefni ungur að aldri þar sem að hann missir mömmu sína. Hann tók sér tíma og greindi allar tilfinningar sínar eftir að hafa ekki grátið í 15 ár, út frá því verður hann einstaklingur sem að getur miðlað miklum lærdómi.

„Hamingjan mín verður aldrei til nema með sorg. Ég LEYFI sorginni að vera til í mér. Þannig get ég verið hamingjusamastur.“

 

 

Hvað er kvíði? Hvernig kemst ég út úr kvíða/ áhyggju/ streitu vítahring? Hvernig tæklum við kvíðann þegar hann kemur til okkar? Hvernig tökumst við á við alla þessa þráhyggju og ofhugsun sem að kæfir okkur stundum? Hvernig liti líf okkar út ef við værum nánast kvíðalaus? Myndum við sækja fleiri tækifæri?

Í þessum þætti leitumst við leiða til að efla okkur og kippa okkur upp. Tökum stjórn á kvíða og streitu áður en hún tekur stjórn á okkur!

Við fengum til okkar mesta power couple Íslands þær Maríu og Ingileif. Þær hafa haft mikil áhrif og báðar verið á lista yfir framúrskarandi Íslendinga. Einhvernveginn virðast þær vekja athygli hvert sem þær fara fyrir frábær og mikilvæg störf, saman eða í sitthvoru lagi. Þær eru stofnendur Hinseginleikans sem að er fræðsluvettvangur fyrir fjölbreytileikann. Þær búa yfir svakalegri reynslu sem að við getum öll lært af og nýtt okkur!

Sagði einhver krefjandi? ALDREI – eintómt BLISS. Að öllu gríni slepptu þá höfum við fengið mikið af fyrirspurnir frá foreldrum að ræða þetta hlutverk. Það er auðvelt að týnast í þessu hlutverki og missa geðheilsu en á sama tíma vill maður alltaf gera sitt besta. Í þessum þætti skoðum við það besta og versta við foreldrahlutverkið, það geta allir lært eitthvað af því!

KAP – eða Kundalini Activation Process er eitthvað sem við Eva og Sylvia kynntumst fyrir nokkru síðan. Þetta er stórfurðuleg en mögnuð upplifun sem kom okkur virkilega á óvart og Þóra Hlín, stofnandi KAP Iceland, er ein mögnuð kona. Nú opnum við skrítna skápinn eins og Þóra talar um og ræðum hvernig hægt er að losa um orkuhnúta í líkamanum með þessari skemmtilegu og fallegu leið. Opnaðu hugann – þetta er geggjað og breytir lífum.