Nú er sumarið brátt á enda og við farin að horfa til örtraðar sem að einkennir oft nýja byrjun haustsins. Þetta er eins og annað tækifæri til að upplifa 1. janúar aftur, hvernig ætlum við að klára seinni hlutann af árinu? Allir að koma sér í rútínuna.. skólinn, vinnan, ræktin & allt hitt.

Hvert ætlum við að fara? Þorir þú að leyfa þér að dreyma stórt? Eða kemur rödd efans og slengir þér aftur niðrá jörðina á núll einni? Stór draumur = straumur. Leyfðu bjartsýninni, voninni og kraftinum að STREYMA um þig. Hlustaðu á þennan þátt og komdu þér í gírinn fyrir stóra drauma … STRAUMA.

 

 

 

Björgvin Franz Gíslason er einn magnaður maður og við lærðum HELLING á að fá hann í innihaldsríkt spjall til okkar. Að sjálfsögðu hlógum við eins og vitleysingjar á köflum en það sem einkennir Björgvin er ekki bara hvað hann er stórkostlega fyndinn – heldur er hann líka einlægur og áhrifaríkur. Umræðuefni voru hárkollur, elsku þráhyggjan, mótandi æska, leiklistin, úrvinnsla áfalla og flest allt þar á milli! Haldið ykkur fast – ÞETTA ER ALVÖRU.

Gæti verið að það sé menning hér á Íslandi fyrir því að „impressa“ aðra? Rétt upp hönd sem nennir ekki lengur að velta sér upp úr áliti annarra! Í þessum þætti byrjum við að skoða menningarleg norm og það er gott fyrsta skref til að brjóta upp vanamynstur og fara út fyrir normið. Það getur verið erfitt að synda á móti straumnum og framkvæma hluti sem eru öðruvísi eða yfir höfuð vera maður sjálfur og vera öðruvísi, en það er líka sykursætt og langskemmtilegast að vera öðruvísi. Kryfjum þetta aðeins.

 

Nökkvi Fjalar kíkti til okkar í kraftmikið spjall á dögunum. Hann hefur náð gríðarlegum árangri og er talinn einn af áhrifamestu einstaklingum í viðskiptalífinu. Við stöllur lærðum því heilmikið meðal annars hvernig maður getur verið frábær leiðtogi, eflir hugarfarið og vinnur með öðrum. Ef ÞÚ ert að leitast eftir því að verða betri einstaklingur og vilt ná lengra í lífinu þá máttu ekki láta þennan þátt framhjá þér fara, Nökkvi veit hvað hann syngur!

Sandra Björg Helgadóttir stofnaði Absolute Training sem er þjálfun í andlegri og líkamlegri heilsu. Það sem einkennir Söndru er fáránlegur metnaður, orka og lífsgleði. Hún er eiginlega eins og náttúruafl. Við fengum að kroppa aðeins í megaheilann hennar og græddum mikið á því! Undirbúðu þig undir að fyllast innblæstri því að Sandra er ekkert að grínast með þetta! Þið getið fylgst betur með Söndru á instagram @sandrahelga og á http://www.absolutetraining.is

„Ég kem til þín í ójafnvægi, og fer í jafnvægi“ – segja flestir um Matta Osvald. Við erum sammála þessu. Það er eitthvað við hann sem er einstakt. Hann hjálpar fólki að færast nær alvöru hamingju, sjálfsöryggi og heilbrigðum samskiptum. Við fórum meðal annars yfir allskonar atriði sem tengjast samböndum og samskiptum fólks. Þessi þáttur er klárlega fyrsti af fleirum með meistara Matta!

Hefur þig einhverntíman langað að ná jafnvægi í lífinu? Jafnvægi í vinnu, einkalífi, heilsu, hugarfari og öllu hinu sem lífið hefur upp á að bjóða? Þegar við komumst í jafnvægi færumst við nær hugarró og þess háttar snilld – og lífið verður einfaldlega léttara og skemmtilegra.

Við mælum með að þú hlustir ekki bara á þennan þátt heldur virkilega nýtir þér verkefnin og framkvæmir til að komast nær jafnvæginu þínu.

Normið er á instagram! Þú finnur okkur á @normidpodcast